كلنا عارفين ان الدولة مجموعة من الأشخاص
بيعيشوا فى مساحة جغرافية واحدة وليهم نفس العادات والتقاليد وبيعملوا شوية أنشطة
اجتماعية وسياسية واقتصادية عشان يحققوا اهدافهم وتطورهم .
طب إيه هى مقومات الدولة ؟
أول حاجة هى الحيز الجغرافى : والحيز
الجغرافى مش بيقتصر على المساحة أو الأرض بس ، ولكن الأرض بمواردها وثرواتها
ببترولها بمعادنها بالماية والهوآ إللى عليها .
تانى حاجة هى السلطة : ودي مجموعة من
المؤسسات اللى بتقام على الأرض الجغرافية وبتمارس شوية تشريعات واحكام وقوانين و
بتنقسم لسلطة تنفيذية حاكمة وسلطة تانية تشرف على اراضى الدولة وقوانينها .
تالت حاجة الشعب : الشعب هو المقوم الأساسى
للدولة ومفيش دولة من غير شعب ، والشعب تاريخ واعراق وثقافات وعادات .
رابع حاجة هى القانون والعرف : هى مجموعة
قوانين واعراف وتشريعات اساسية بتتجمع وبيكون اسمها دستور ، الدستور بينظملك شكل
السلطات فى الدولة وحدودها عشان مفيش سلطة تيجي على مهمة سلطة تانية ، و كمان عشان
تدي الحقوق لأصحابها فى الدولة ويبقى الدستور الضامن الأساسى لحقوق الناس . كمان
الدستور بيحدد طبيعة وهوية الشعب والمقومات اللى بتجمع بينهم زى التاريخ والعادات
والتقاليد والثقافة .
No comments:
Post a Comment